Drop Down MenusCSS Drop Down MenuPure CSS Dropdown Menu

Vishnu's new book available on Amazon

Vishnu's new book is now on sale. புதியவன் வாசிக்கப்படக் காத்திருக்கிறான். மின்பதிப்பு அமேசானில் கிடைக்கும்.

கண்ணீர்



சொல்லம்புகள் தைக்கப்பட்ட இடத்தில் ஒரு சிறு
சூரியன் புதிதாய் உதிக்க,
நஞ்சு தோய்ந்த அதன் கற்பனைக் கதிர்களால்
நெஞ்சுக்குழி அனலாய் தகிக்கிறது.

மனதின் அடிவாரத்தில் எழுந்த பேரலை ஆவியாகி
மீண்டும் மீண்டும் மேலெழ,
மறுவுலகில் புதைந்த கண்களில் சில
மேகங்கள் கறுமையாய்க் குவிகின்றன.

முட்டாளே என்று குமைந்த மூளையில் ஒரு
மௌன கீதம் பிறக்க - அதன்
முத்தத்தின் வெப்பத்தில் அமிழ விரும்பாமல் சில
மழைத்துளிகள் தப்பித்து விழுகின்றன.

கற்பனைக் காடுகளில் திரியும் ஒரு
தூரிகையில் சிறைப்பட்ட சிங்கத்திற்கு
இதுவே
சொல்லப்படாத சொற்களின் மொழி.

(பி.கு: ட்விட்டரில் ‘தூரிகையில் சிறைப்பட்ட யானை உலவுகிறது, கற்பனைக் காடுகளில்’ என்று படித்தேன். கடைசி பத்தி அதனால் கவரப்பட்டு காப்பியடித்து எழுதப்பட்டது)

Comments

மேலும் வாசிக்க

சத்யவரதன் குராயூர்

என்னுடைய கட்டுரைகள் நடுநிலையானவை அல்ல! - ப.திருமாவேலன் நேர்காணல்

மகேந்திர சிங் தோனி: ஒரு முழு அலசல்

இந்தியாவும் இந்தியும்

மகாத்மாவிற்கு முந்தைய காந்தி